ربنا سبحانه وتعالى( جميل يحب الجمال) ... الجمال حوالينا فى كل مكان .. موجود فى ادق التفاصيل فى حياتنا .. لو نفكر شوية هنلاقى ان ربنا سبحانه وتعالى لما بيفرض علينا فرض بيبقى فرض مصحوب بنعم كبيرة اوى و حلوة اوى ومحتاجة مننا برده شوية
:) إصرار و قوة فى نفس الوقت ( الإصرار فى جهاد النفس و القوة فى الثبات) بس لو نركز فى جمال فروض الله علينا هنسعد وهنسعى اكتر اننا نحب و نفهم الأسباب ورا الفروض دى :)
الحجاب فرض مصحوب دايما بالجمال .. جمال الهيئة و قبلها جمال الأخلاق للبنت المسلمة .. الحجاب عمره ما كان عائق او قيد لحلم او هدف بالعكس امثلة و نماذج كتير بتعكس مدى تأثيرها و اقتناعها بالحجاب و دوره انه دافع ليها لتحقيق حلمها و انه اصبح محور حياتها فى سلوكها اليومى و فى تعاملاتها مع كل اللى حواليها .. نماذج بتوضح ان الحجاب مش بس مجرد حجاب للرأس الحجاب أسلوب حياة و تعامل و أخلاق ..
فكرة حملة (محجبة مش مقيدة ) نابعة من حبنا للحجاب وجماله كفريضة علينا و فى نفس الوقت اعتزازنا بيه وانه عمره ما كان عائق او قيد لحلم ♡ من هنا جت التسمية #محجبة_مش_مقيدة كل بنت مننا مثال بسيط بيوضح ازاى الحجاب ساعدها انها تحقق حلمها او انها توصل لدرجة كبيرة من الاعتزاز بيه فى مواقف ومراحل مختلفة فى حياتها .. كل بنت اختارت جملة او رسالة شايفة انها تقدر توصل بيها ولو جزء بسيط يوضح اعتزازها و حبها لحجابها مضمونا و شكلا
فكرة محجبة مش مقيدة ببساطة قايمة على محورين ان الحجاب جمال و دافع .. جماله فى اخلاقه و دافع انه ساعد الكتير فى تحقيق احلامهم ومكنش عائق او قيد كما يدعى البعض
حبى لحجابى متعة يومية كل يوم جديد بداية جديدة انى اسأل نفسى انتى فعلا تستاهلى الجمال و النعمة دى والا لأ ... هل انتى جديرة بيها ومحافظة عليها والا لأ سواء من الناحية الأخلاقية وطبعاً الشكلية لازم تكون مكملة ولايقة بكونى محجبة معتزة بحجابها فى كل تفاصيل يومها :)
"رسالتى فى الحملة "حجابى عزتى و أسلوب حياتى
 |
| Instagram : @maieshawky |
بالنسبالى حملة محجبة مش مقيدة بداية الأنشطة اللى بتمنى من الله سبحانه وتعالى انه يساعدنى واحققها
ودى مجموعة صور من الحملة فيها تعريف لدور كل بنت و رسالتها فى الحملة
https://www.facebook.com/maiahmed.shawky/media_set?set=a.10207444674101322.1073741838.1421896271&type=3
Instagram : @maieshawky
Facebook : Maie Shawky
No comments:
Post a Comment